Сацыёлагі Акадэміі навук: Самагон гоніць кожны шосты беларус
Каля 15% дарослага насельніцтва Беларусі займаецца самагонаварэннем.
Такую лічбу назвалі эксперты Інстытута сацыялогіі Нацыянальнай акадэміі навук, інфармуе БелаПАН.
На афіцыйным сайце Міністэрства аховы здароўя паведамляецца, што паводле гэтых падлікаў, узровень спажывання спіртных напояў у Беларусі складае больш за 15 літраў на душу насельніцтва. Для параўнання: у Расіі фактычны ўзровень спажывання спіртных напояў на чалавека складае 18-20 літраў. У стандартах Сусветнай арганізацыі аховы здароўя крытычным паказчыкам з'яўляецца 8 літраў абсалютнага алкаголю на чалавека. Пры перавышэнні гэтай нормы адбываецца паступовая дэградацыя нацыі ў сацыяльна-дэмаграфічным, эканамічным, сацыяльным, культурным і іншым стаўленні.
Фота — newsby.org
