Саюз пісьменнікаў Беларусі пераабраў сваім старшынём Мікалая Чаргінца
Дэлегаты другога з’езду СПБ апроч пераабрання кіраўніка, прынялі рэзалюцыю ў падтрымку палітыкі Аляксандра Лукашэнкі.
Згодна з гэтай рэзалюцыяй, СПБ адзначае “пазітыўны ўдзел” дзяржавы ў развіцці літаратуры і адукацыі. Адзначаецца, што дзяржава актыўна падтрымлівае літаратурна-мастацкія часопісы і газеты. Саюз будзе хадайнічаць пра ўключэнне часопісаў “Бярозка” і “Роднае слова” у спіс сродкаў масавай інфармацыі, якія падтрымліваюцца з рэспубліканскага бюджэту.
Пры гэтым некаторыя дэлегаты з’езду былі сур’ёзна заклапочаныя праблемай захавання беларускай мовы. Але ж прапанова ўнесці ў рэзалюцыю адпаведную папраўку была адхіленая, інфармуе БелаПАН.
