Шматдзетным сем’ям будуць аддаваць ва ўласнасць вясковыя дамы
Пра такія планы сёння заявіў Аляксандр Лукашэнка на сустрэчы з удзельнікамі ІІ Еўразійскага кангрэсу кардыёлагаў.
Паводле яго словаў, сем’ям, дзе нарадзілася пяцёра дзяцей, будуць аддаваць дамы і прысядзібныя ўчасткі ў самых прэстыжных мясцінах каля Мінска, у вёсках. Плошча прысядзібнага ўчастку складзе 20-30 сотак, перадае БелаПАН са спасылкай на прэс-службу кіраўніка дзяржавы.
Прычым плаціць за гэтае жыллё шматдзетныя пачнуць толькі праз 20 год і толькі палову кошту. Лукашэнка лічыць, што ўвядзенне такой сістэмы падштурхне нараджальнасць.
