Сіноптыкі: у пятніцу чакаецца да 9 марозу, снег
Ападкі прагназуюцца на большай частцы тэрыторыі краіны.
Уначы і раніцай на ўсходзе Беларусі, а ўдзень па Віцебскай вобласці чакаецца моцны снег. У гэтым рэгіёне магчымы слабы галалёд, месцамі наліпанне мокрага снегу. У асобных раёнах — завіруха, на дарогах — галалёдзіца.
У начныя гадзіны і раніцай месцамі на Брэстчыне згусціцца туман. Вецер удзень — заходні, 5-10 метраў за секунду, месцамі парывы дасягнуць 14 метраў за секунду.
Тэмпература паветра на працягу сутак будзе ад нуля да -6 градусаў, у начныя гадзіны па Брэстчыне і Гродзеншчыне чакаецца да 7-9 марозу, інфармуе БЕЛТА.
Фота — bymedia.net
