Сіноптыкі: удзень у суботу чакаецца ад 1 цяпла да 5 марозу
Уначы месцамі, а раніцай і ўдзень у многіх раёнах краіны пройдзе снег, мокры снег, па Брэстчыне — з дажджом.
На захадзе і паўночным захадзе Беларусі сіноптыкі прагназуюць у дзённыя гадзіны моцныя ападкі.
Вецер паўднёвы, 4-9 метраў за секунду, у дзённыя гадзіны яго парывы дасягнуць 14 метраў.
Тэмпература паветра ўначы будзе вагацца ад нуля градусаў на поўдні да мінус 11 на Віцебшчыне. Удзень чакаецца ад 0 да 5 марозу, на поўдні краіны — 1-3 градусы цяпла, інфармуе БЕЛТА.
Фота — bymedia.net
