Скэнлан: Страта любой свабоды — у цэнтры Еўропы непрымальная
У Мінску ў амерыканскай амбасадзе ў сераду праходзіць свята незалежнай беларускай культуры "Амбасовішча".
У ім удзельнічае каля 200 чалавек. На пачатку перад прысутнымі выступіў часовы павераны ў справах ЗША Майкл Скэнлан. Ён, у прыватнасці, адзначыў, што страта любой свабоды, у тым ліку свабоды творчага самавыяўлення, непрымальная для любой краіны ў цэнтры Еўропы ў трэцім тысячагоддзі.
"Утрыманне жорсткага кантролю над тым, што людзі чытаюць, гавораць ці бачаць, можа стварыць ілюзію бяспекі. Але ілюзіі знікаюць, а людзі, якія прагнуць свабоды, не", — цытуе словы Майкла Скэнлана БелаПАН.
На "Амбасовішчы" выступаюць некалькі гуртоў — Neuro Dubel, "Палац", IQ48, а таксама Лявон Вольскі і Зміцер Вайцюшкевіч.
Фота — svaboda.org
