СМІ: Яшчэ аднаго сына Кадафі захапілі паўстанцы

Пра гэта паведамляе РІА "Новости" са спасылкай на Reuters. Раней паведамлялася, што мяцежнікі арыштавалі двух сыноў Кадафі — Сейфа аль-Іслама і Мухамеда. Пра лёс самага лівійскага лідара пакуль нічога невядома. Паводле некаторых звестак, Кадафі усё яшчэ знаходзіцца ў сваёй умацаванай рэзідэнцыі ў квартале Баб-аль-Азізія ў Трыпалі. 
Пра Саадзі, малодшага сына Кадафі, вядома трохі. У мінулым ён быў прафесійным футбалістам, камандаваў сіламі спецыяльнага прызначэння, а таксама займаўся бізнэсам.
Агулам у Кадафі сямёра сыноў. На сённяшні дзень трое з іх арыштаваныя, а малодшы сын - Саіф аль-Араб - у ноч на 1 траўня загінуў у выніку авіяўдару сіл NАТО па рэзідэнцыі Кадафі.