Справу бацькі-гвалтаўніка перадалі ў суд
38-гадоваму мінчаніну інкрымінуюць згвалтаванне ўласнай малалетняй дачкі і распаўсюджанне парнаграфіі праз інтэрнэт.
Абвінавачанага затрымалі ў лістападзе 2012 года, калі ён дома ў нецвярозым стане здзяйсняў “гвалтоўныя дзеянні сэксуальнага характара” над дзіцём. Цяпер пацярпелай дзяўчынцы 12 гадоў.
Паводле паказанняў дачкі і яе маці, такія выпадкі здараліся цягам амаль трох гадоў. Апроч таго, мужчына вырабляў, захоўваў і распаўсюджваў праз інтэрнэт парнаграфію. Сваё дзіця ён выкарыстоўваў для вытворчасці порнаматэрыялаў з яе выявамі, інфармуе БелаПАН.
