Старшыня Савету Рэспублікі: беларуская эканоміка працуе нармальна
Эканоміка Беларусі развіваецца нармальна і ніякай панікі быць не павінна, лічыць старшыня Савету Рэспублікі Анатоль Рубінаў.
Такія заявы ён зрабіў у часе паездкі ў Ліду, перадае БЕЛТА. Кіраўнік верхняй палаты парламенту цвердзіць: нічога не адбылося, расце беларускі экспарт, працуе сельская гаспадарка, расце ВУП. Пры гэтым грамадства павінна зразумець, што мы ўсе адзіныя і жывем у адной краіне, а таму ад усіх разам залежыць цяперашняе і будучыня Беларусі.
Праблемы з валютай Анатоль Рубінаў зноў звязаў з аўтамабільным ажыятажам, бо людзі пачалі набываць і прадаваць аўтамабілі ў сувязі з увядзеннем мыта.
