Суд пакінуў у сіле папярэджанне "Нашай ніве" ад Міністэрства інфармацыі
Вышэйшы гаспадарчы суд не задаволіў скаргу рэдакцыі "Нашай Нівы".
Выданне аспрэчвала папярэджанне Міністэрства інфармацыі ад 14 красавіка.
Цягам месяца рэдакцыя мае права абскардзіць рашэнне суда, паведамляе Радыё "Свабода". Калі вышэйшая інстанцыя пакіне рашэнне ў сіле, то будзе размарожаны працэс закрыцця газеты. Менавіта гэтага і дамагаецца Міністэрства інфармацыі.
