Сустрэча Еўрагрупы па пытанні Грэцыі пройдзе 1 сакавіка

Як паведамляе РБК, яны абмяркуюць рэструктурызацыю грэцкай пазыкі прыватным крэдыторам. Чакаецца, што падчас сустрэчы міністры ацэняць прагрэс, дасягнуты Грэцыяй у выкананні патрабаванняў, неабходных для атрымання другога крэдытнага транша.

Нагадаем, што 21 лютага міністры фінансаў еўразоны ўхвалілі другую праграму фінансавай дапамогі Грэцыі аб'ёмам 130 млрд еўра — звыш дзейснай праграмы на 110 млрд еўра, зацверджанай у траўні 2010 года. Новыя крэдыты разам з абменам дзяржаблігацый Грэцыі, якія належаць прыватнаму сектару, павінны дапамагчы краіне да 2020 года скараціць дзяржаўную пазыку да 120,5% ад ВУП. На цяперашні час пазыка складае 165% ВУП.