Сусветны банк: эканамічная сітуацыя ў Беларусі палепшыцца
Аб тым што эканамічная сітуацыя ў Беларусі палепшыцца заявіў дырэктар аддзела Украіны, Беларусі і Малдовы Сусветнага банка Марцін Райзер.
Райзер: "Я думаю яна палепшыцца. У эканоміцы неабходна рэалізаваць істотныя змены і для гэтага неабходна каб скараціўся ўнутраны попыт. Відавочна, што людзі адчуюць гэта на сваёй кішэні. Але пры гэтым мы спадзяемся, што насельніцтва ўбачыць сігнал пра тое, што робяцца высілкі для стабілізацыі. Людзі змогуць убачыць перспектыву, убачаць, што заканчваецца перыяд нявызначанасці. Гэта важны сігнал і для насельніцтва і для інвестараў. Але для таго, каб гэта адбылося, мы не можам спыніцца на дасягнутым".
