Сяргея Каваленку праз зонд кормяць "Беллактам"
Гэта малочная сумесь для кармлення немаўлят.
Пра такое харчаванне палітвязня яго жонка распавяла Радыё "Свабода" са словаў лекара. Па словах Алены Каваленкі, гэтак карміць яе мужа пачалі яшчэ 1 красавіка. Таксама яму працягваюць ставіць кропельніцы.
Паводле лекара, ягоны стан больш-менш нармальны, хаця тэмпэратура паніжаная. Сам Каваленка есці па-ранейшаму адмаўляецца. На думку жонкі, палітвязень пагадзіўся бы выходзіць з галадоўкі, калі б яго паклалі не ў турэмны, а ў звычайны шпіталь.
Фота з блогу Глеба Лабадзенкі
