Тэрарысты выкарыстоўвалі ў метро "адмысловую выбухоўку" з інтэрнэту
Як заявіў старшыня КДБ Беларусі, злачынцы самі яе вырабілі.
Пры тэракце ў мінскім метро выкарыстоўвалася унікальная выбухоўка, аналагаў якой спецслужбы не ведалі, заявіў старшыня КДБ Беларусі Вадзім Зайцаў журналістам 13 красавіка, перадае РІА Новости.
"У часе тэракту 3 ліпеня (2008 года) у Мінску выкарыстоўвалася выбухоўка, аналагаў якой не ведалі ў ніводнай са спецслужбаў. У часе тэракту ў метро таксама выкарыстоўваліся кампаненты гэтай выбухоўкі", — сказаў Зайцаў.
Па словах старшыні КДБ, злачынцы самі вырабілі выбухоўку. "Гэта была адмысловая выбухоўка", — сказаў Зайцаў.
На пытанне РІА Новости, дзе тэрарысты яе ўзялі, ён адказаў: "У інтэрнэце".
