Транзіт расійскага газу праз Беларусь зніжаецца
Пры гэтым “Газпрам” нарошчвае пастаўкі паліва ў Еўропу праз трубаправод “Паўночная плынь”.
У расійскай газавай манаполіі змяншэнне транзіту праз Беларусь тлумачаць зніжэннем заявак спажыўцоў. З нарошчваннем паставак газу праз Nord Stream гэтую з’яву не звязваюць, перадае Interfax.by
Першы час па трубе на дне Балтыйскага мора пастаўлялі прыкладна 340 тысяч кубаметраў газу за гадзіну. Але з 26 лістапада пастаўкі пачалі расці і выйшлі на 590 тысяч кубаметраў за гадзіну.
Адначасова ў суботу зранку знізіўся ціск на ўваходзе ў газаправод “Ямал-Еўропа” у Нямеччыну: пастаўкі ўпалі з 2,8 млн да 2,2 млн кубаметраў за гадзіну.
