У Асіповічах выбіраюць сімвал горада
Скульптура, якая стане ўвасабленнем вобразу населенага пункта, будзе абраная на конкурсе, які абвешчаны да 140-годдзя райцэнтра.
Гэта павінна быць дэкаратыўная садова-паркавая скульптура, звязаная з гісторыяй горада і стаць яго тварам, паведаміла БелаПАН начальнік аддзелу ідэалагічнай працы Асіповіцкага райвыканкаму Ганна Землянухіна.
Паколькі Асіповічы — вялікі чыгуначны вузел, то не выключана, што сімвал горада будзе нейкім чынам звязаны з чыгункай. Прыём ідэй і прапановаў будзе весціся да 1 сакавіка. Затым журы конкурсу вызначыць пераможцу.
