У Аўстраліі адмянілі шэраг авіярэйсаў з-за чылійскага вулкану
Тое ж самае зрабілі авіякампаніі Новай Зеландыі.
Моцны вецер перанёс вулканічны попел з гары Пуйеуэ ажно на 9400 кіламетраў праз Ціхі акіян да аўстралійскага мацерыка. Таму мясцовыя авіяперавозчыкі лічаць небяспечным рабіць рэйсы ў Тасманію і Новую Зеландыю.
Мяркуецца, што праблемы з авіяпералётамі ў гэтым рэгіёне будуць яшчэ каля тыдня. Раней попел Пуйеуэ выклікаў збоі ў авіязносінах над Паўднёвай Амерыкай, паведамляюць інфармагенцтвы.
