У Баранавічах удзельнікаў Народнага сходу выклікаюць у міліцыю
Кіраўнік мясцовай арганізацыі руху “За Свабоду” Віктар Сырыца быў запрошаны туды 4 лістапада зранку, яму пазванілі на хатні тэлефон.
Міліцыянты распыталі актывіста пра яго ўдзел у Народным сходзе 8 кастрычніка. Спачатку склалі пратакол апытання, а затым адміністратыўны пратакол за арганізацыю і ўдзел у несанкцыянаваным мерапрыемстве. Цяпер Віктара Сырыцу будуць судзіць, позва выпісаная на 10 лістапада, паведамляе БелаПАН.
Таксама 4 лістапада ў міліцыю выклікалі баранавіцкага актывіста АГП Рыгора Грыка. Яго таксама апыталі, але позву ў суд не выпісвалі.
На думку Сырыцы, такім чынам мясцовых актывістаў спрабуюць запалохаць перад новым Народным сходам, які павінен адбыцца 12 лістапада.
