У Баранавіцкім раёне дзікі справакавалі дзве дарожныя аварыі
Звяры раптоўна выбеглі на трасу Брэст — Мінск.
У першым выпадку ДТЗ здарылася таму, што на дарогу выскачыла адразу некалькі жывёл. На аднаго з дзікоў кіроўца “Мазды-6” здзейсніў наезд, паведамляе БелаПАН. У другую аварыю трапіў кіроўца “Опеля-Вектра”, пад колы якога таксама выскачыў звер.
Кіроўцы ў выніку абедзвюх аварый не пацярпелі, машыны атрымалі механічныя пашкоджанні, а вось жывёлы загінулі на месцы.
