У Барысаве прадаецца воданапорная вежа
Будынак вышынёй у 25 метраў, узведзены ў 1964 годзе, знаходзіцца практычна ў цэнтры горада. Пачатковы кошт — адна базавая велічыня.
Цяперашні гаспадар вежы — "Барысаўвадаканал" — мяркуе, што прасцей пазбавіцца за смешныя грошы ад маёмасці, чым несці выдаткі на яе ўтрыманне. 1 сакавіка прыцаніцца да важнага аб'екта можна будзе на аўкцыёне, які праводзіцца Мінскім абласным тэрытарыяльным фондам дзяржаўнай маёмасці.
Праўда, не факт, што ахвочыя набыць воданапорную вежу знойдуцца, бо на продаж яна выстаўляецца ўжо не ў першы раз, перадае ex-press.by.
