У БДУ выступіць кітайская тэлезорка
Бі Фуцзянь правядзе майстар-клас студэнтам Інстытута журналістыкі.
29 верасня ў Інстытуце журналістыкі БДУ адзін з самых вядомых тэлевядучых Кітая Бі Фуцзянь правядзе майстар-клас. Арганізатарамі мерапрыемства выступаюць Рэспубліканскі інстытут кітаязнаўства імя Канфуцыя БДУ і Інстытут журналістыкі БДУ.
На майстар-класе Бі Фуцзянь раскажа аб сваім нялёгкім шляху да усекітайскай славы, асаблівасцях працы на забаўляльным тэлебачанні і сакрэтах стварэння папулярных перадач.
Бі Фуцзяня называюць адным з першых "народных" тэлевядучых Кітая. Ён з'явіўся на тэлебачанні ў канцы 90-х гадоў. Зараз яго візітнымі карткамі з'яўляюцца тэлепраграмы "Тэатр мары" і "Зорная дарога", паведамляе БелаПАН.
