У Беларусі каля 24% падлеткаў паляць
Такія звесткі падае Міністэрства аховы здароўя.
Спецыялісты міністэрства называюць гэтую лічбу жахлівай: Беларусь разам з Расіяй лідэр па паказчыках палення ў еўрапейскім рэгіёне.
Як лічыць галоўны педыятр Мінздароўя Алена Нявера, у краіне мала ўвагі надаюць праблеме падлеткавага палення. Каб вырашыць гэту праблему, Беларусі варта арыентавацца на Швецыю. Там, дзякуючы шырокай інфармацыйнай кампаніі ды іншым захадам удалося знізіць колькасць аматараў цыгарэтаў з 20% да 8%, паведамляе БелаПАН.
