Лукашэнка: У Беларусі не будзе перадачы ўлады ў спадчыну
Пра гэта кіраўнік Беларусі заявіў, выступаючы на ўрачыстым сходзе, прысвечаным Дню Незалежнасці 3 ліпеня.
“Каторы раз кажу, не апраўдваючыся перад вамі: мае дзеці прэзідэнцтва наеліся пры сваім бацьку. Ніякай перадачы ў спадчыну ўлады быць не можа”, — цытуе кіраўніка краіны агенцтва БЕЛТА.
Таксама Лукашэнка заявіў, што прадбачыць глыбокі крызіс Еўрасаюза, але ўпэўнены, што ідэі інтэграцыі пераважаць. Апрача таго беларускі лідар лічыць нашу краіну прыкладам таго, як можна без шоку, узрушэнняў і з мінімальнымі стратамі перайсці да рынкавай эканомікі.
