У Беларусі скарачаецца колькасць дзяцей
Гэта адбываецца на фоне агульнага скарачэння насельніцтва.
За апошнія 10 гадоў доля дзяцей у агульнай колькасці насельніцтва Беларусі скарацілася на 6%, перадае БелаПАН.
На пачатак 2011 году ў краіне налічвалася 1 млн. 737 тысячы дзяцей ва ўзросце да 18 гадоў. Такія звесткі паведамілі ў Нацыянальным статыстычным камітэце напярэдадні Сусветнага дня дзіцяці, які адзначаюць сёння.
Доля дзяцей у агульнай колькасці насельніцтва краіны скарацілася з 24% на пачатак 2000 году да 18% на пачатак 2011 году.
