У Беластоку агучаць прысуд па справе беларускага палітуцекача
Суд над Андрэем Жукаўцом цягнецца ўжо 12 гадоў. У пятніцу ў ім мусіць быць пастаўлена кропка.
За гэты час справа беларуса разраслася да 90 тамоў з 16949 старонкамі. 14 снежня, каб прывезці гэтыя дакументы, супрацоўніцы суда спатрэбілася каляска (на здымку). 
Нагадаем, што Андрэй Жукавец у Беларусі матэрыяльна падтрымліваў "Малады фронт" і праваабаронцаў. У 1999 годзе ён з'ехаў з Беларусі і папрасіў палітычнага прытулку ў Польшчы. Беларусь дамагаецца выдачы прадпрымальніка (яго вінавацяць у фінансавых махінацыях).
