У бліжэйшыя дні з'явіцца пагроза грыпу
Пасля марознага панядзелка ў нашу краіну ідзе пацяпленне. Сіноптыкі прадказваюць мокры снег і нават дождж. А пад канец тыдня зноў вернуцца маразы.
Па словах медыкаў, якія перадае тэлеканал СТВ, ужо ў бліжэйшыя дні ўсталюецца самае спрыяльнае для вірусаў надвор'е.
Галоўны спосаб прафілактыкі грыпу — спецыяльная маска ці павязка. Што праўда, у Беларусі гэты сродак прыжываецца кепска.
Пік сезоннага захворвання на грып медыкі чакаюць праз некалькі тыдняў. Па словах лекара-інфекцыяніста сталічнай паліклінікі №9 Мікалая Раманава, сярод вострых рэспіраторных захворванняў цяпер найбольш распаўсюджаны не грып, а іншыя вірусныя інфекцыі.
Фота — ctv.by
