У Брэсце збіраюць подпісы за дазвол на канцэрт Вайцюшкевіча
18 сакавіка ў Брэсце меўся выступіць Зміцер Вайцюшкевіч. Але канцэрт адмянілі. Арганізатары не тлумачаць прычыны.
Аматары спевака пачалі збіраць подпісы ў падтрымку канцэрта. Пра гэта паведаміла Іна Хоміч.
Хоміч: "Ліст падпісваюць да міністра культуры Латушкі. Пашлем, як толькі назбіраем 150–200 подпісаў".
Нагадаем, што ў іншых гарадах цягам апошніх дзён былі адмененыя выступы гуртоў "Ляпис Трубецкой", "Нейра Дзюбель", "Крамбамбуля".
