У Брэсце прайшлі гонкі робатаў
Спаборніцтва пад назвай RoboRace адбылося ў рамках святкавання Дня горада 29 ліпеня. Гэта першыя ў Беларусі гонкі аўтамабільных робатаў.
У спаборніцтвах прынялі ўдзел 10 каманд: сем з Беларусі, прычым усе з Брэста і тры з Украіны. На гонкі выводзілі робамабілі, зробленыя з цацачных машын, а таксама спецыяльны створаныя. Заезды правялі на адмыслова падрыхтаванай пляцоўцы ў парку 1 Траўня.
Адметнасць у тым, што гэтыя машыны ў часе гонкі рухаліся самастойна, арыентуючыся на паказанні розных датчыкаў. Людзі імі не кіравалі.
Перамагла ў гэтай концы каманда SRS з Брэста, перадае БелаПАН.
