У Брэсце прайшоў прагляд "антывізавых" фільмаў
Сеанс дакументальных кінастужак для брэсцкай моладзі адбыўся ў межах кампаніі "Без Візы".
Цягам адной сустрэчы на офісе "Дзедзіча" былі прадэманстраваныя фільмы "Памежжа" і "Падзеленая сям'я". Абедзве караткаметражкі дэманструюць абсурднасць жыцця ў непасрэднай блізкасці ад беларуска-літоўскай межы. Візавыя абмежаванні сталі галоўнай перашкодай свабодна бачыцца са сваімі роднымі для герояў фільмаў.
Адна з
арганізатарак мерапрыемства, Юля, лічыць узнятую ў стужках праблему не менш
актуальнай і для Брэстчыны: “Насамрэч для нас гэта тэма таксама вельмі
актуальная. Не гледзячы на тое,
што малы памежны рух увялі ў Гродна, у Брэсце нічога падобнага няма. Таму шмат людзей сутыкаюцца з
наступнымі складанасцямі: і візы каштуюць
дорага, і робяцца яны вельмі доўга. Шмат праблемаў і з польскім консульствам:
яны могуць папросту адмовіць чалавеку ці выдаць
візу не на год, а на 3-4 месяцы. Вырашэнне гэтага? Адмена візавага рэжыма – занадта гучна сказана, але хаця б
выдаваць візу на 4-5 год, зрабіць яе
танней і больш дасяжнай”.
