У Брэсце пройдзе этнаграфічны канцэрт “Рух зямлі”
Імпрэза адбудзецца 26 лістапада а 16.00 у канцэртнай зале Брэсцкага абласнога грамадска-культурнага цэнтра.
Наведнікам пакажуць многія са старажытных абрадаў. Публіка, напрыклад, зможа даведацца, як у вёсцы Дарапіевічы Маларыцкага раёна праводзілі Піліпаўскія вячоркі, як калядавалі ў вёсцы Радастава Драгічынскага раёна, шчадравалі ў вёсцы Навіцкавічы Камянецкага раёна.
У канцэрце возьмуць удзел фальклорныя калектывы з розных раёнаў Брэсцкай вобласці, а таксама госці з Польшчы, паведамляе realbrest.by.
