У Глыбокім загінуў будаўнік
Трагедыя здарылася падчас падрыхтоўкі горада да Дня беларускага пісьменства. Загінуламу было 27 гадоў, сам ён з Віцебску.
Увечары 24 жніўня яго брыгада рамантавала дах дома каля гатэлю па вул. Маскоўскай. Рабочы збіраўся спусціцца на зямлю, адчапіў страхоўку і ў гэты момант сарваўся. Ён загінуў на месцы.
Улады гэту інфармацыю стараюцца схаваць ад грамадскасці, але сёння, 25 жніўня, гэтую навіну найболей абмяркоўваюць на глыбоцкіх вуліцах.
Да пачатку свята застаецца менш за тыдзень, таму ўлады вельмі спяшаюцца прывесці горад у належны стан. Працы вядуцца амаль круглыя суткі, для гэтага задзейнічаны не толькі работнікі Глыбоцкага раёна, але і шмат з якіх рэгіёнаў Беларусі.
