У Гомелі міліцыя перашкодзіла правесці мітынг
ДК глухіх «Віпра», дзе планавалася яго правядзенне, нечакана "замініравалі".
У Гомелі ДК глухіх «Віпра» і прылеглую да яго тэрыторыю, дзе прадстаўнікі рэгіянальнай кааліцыі «Наша альтэрнатыва» замаўлялі мітынг па сацыяльна-эканамічных праблемах, ачапіла міліцыя. Мінакоў, што ідуць па ходніках ля Дому культуры, заварочваюць на праезную частку Юбілейнай вуліцы.
У ачапленні стаяць вайскоўцы ўнутраных войскаў з часткі 5525, паведамляе "Радыё Свабода". Як тлумачаць міліцэйскія начальнікі, у ДК працуюць сапёры. Паступіла інфармацыя, што ён замініраваны.
