У Гомелі паказалі гумар за два стагоддзі
У гомельскім палацы Румянцавых-Паскевічаў адкрылася выстава карыкатур. Яна прысвячаецца Дню гумара.
Экспазіцыя атрымалае назву "Свет таму ацалеў, што смяяцца ўмеў". Экспанаты выставы узятыя з фондаў палацава-паркавага ансамбля, прыватных калекцый і асабістых архіваў.
На выставе можна пабачыць карыкатуры XIX—XX стагоддзяў, некаторыя нумары газеты “Раздавім фашысцкую гадзіну!” часоў Другой сусветнай вайны, карыкатуры савецкага перыяду. Размяшчаюцца тут і гумарыстычныя паштоўкі пачатку XX стагоддзя, якія выпускаліся такімі тэматычнымі блокамі, як "Тыпы студэнтаў", "Выбары", "Дзеці". Ёсць на выставе і карыкатуры сучасных мастакоў.
