У Гомелі праходзіць акцыя "Ручнік на магілу Анатоля Сыса"
Яе распачалі сябры моладзевай краязнаўчай грамадскай арганізацыі “Талака” і супрацоўнікі Веткаўскага музея народнай творчасці імя Ф. Р. Шклярава.
Цягам тыдня кожны ахвочы можа прыйсці ў філіял Веткаўскага музея і дапамагчы выткаць ручнік на магілу паэта. Нескладаным прыёмам ткацтва можна навучыцца на месцы.
27 кастрычніка ручнік мяркуецца адвезці на радзіму Анатоля Сыса (Гарошкаў, Рэчыцкі раён), дзе ў гэты дзень будзе праходзіць свята паэзіі “Дух — гэта, людзі, Я!”
