У Гомелі прайшоў забег на абцасах (фота)
З дазволенай сотні ўдзельніц да забегу наважыліся толькі дваццаць восем дзяўчат.
Гэтым разам пераможцу чакаў не ружовы ноўтбук, як мінулыя два разы, а ювелірны кулон у выглядзе туфліка на абцасе.
Уладальніца першага месца атрымала ў падарунак залаты туфлік з брыльянтам, другога —з фіянітам і ўладальніца трэццяга месца атрымала срэбраны кулон з фіянітам. Іншыя ўдзельніцы былі ўзнагароджаны касметычнымі вырабамі і падарункамі ад абутковага прадпрыемства “Marko”.
Дзеля перамогі некаторыя з дзяўчат нават заматвалі на скотч свае чаравічкі, а у адной з удзельніц абцас адваліўся яшчэ на старце. Хоць гэта не перашкодзіла ёй перамагчы ў адборачным забегу і патрапіць у фінальны.
