У Гомелі спецназ разагнаў антыалкагольную акцыю
Актывіста БХД Васіля Такарэнку затрымалі ў пастарунку.
Як паведамляе прэс-служба БХД, 8 сакавіка група актывістаў сабралася ў Гомелі каля ўваходу ва ўнівермаг. Яны меліся правесці антыалкагольную кампанію і раздаць інфармацыю пра шкоднае уздзеянне алкаголю. Акцыя мела за мэту спыненне жаночага алкагалізму.
Але праз нейкі час супрацоўнікі спецназу разагналі акцыю і даставілі яе ўдзельнікаў у пастарунак. У іх перапісалі пашпартныя звесткі і адпусцілі, пакінуўшы толькі аднаго — Васіля Такарэнку.
