У італьянскай Генуі забаранілі рух аўтатранспарту
Такое часовае абмежаванне звязана з тым, што ў бліжэйшыя суткі ў горадзе чакаюць моцныя залевы і паводкі.
Забарона тычыцца ўсіх прыватных аўтамабіляў і дзейнічае да паўдня нядзелі, паведамляюць інфармагенцтвы. Мясцовыя школы адмянілі ўсе заняткі, якія былі запланаваныя на суботу і панядзелак.
Раней стала вядома, што ў пятніцу ў выніку паводак у Генуі загінулі чатыры жанчыны і двое дзяцей. Яшчэ два чалавекі атрымалі небяспечныя для жыцця траўмы.
