У Курапатах паставілі крыж польскім афіцэрам
Акцыю правялі прадстаўнікі беларускай філіі міжнароднага таварыства "Мемарыял", дэмакратычныя актывісты і прадстаўнікі грамадскасці.
У рамках жалобнай імпрэзы быў усталяваны крыж у памяць афіцэраў Войска Польскага, закатаваных у Беларусі падчас сталінскіх рэпрэсіяў, перадае Радыё "Свабода". Нагадаем, што гэты крыж пастаўлены паўторна. Мемарыяльны знак, усталяваны месяц таму, не прастаяў і сутак.
Пры ўстаноўцы новага крыжа не абышлося без канфузу. Тэкст на шыльдачцы, прымацаванай да крыжа, зроблены з памылкамі. Слова "афіцэры" напісанае праз "е" замест "э", без патрэбы ўжытае "у нескладовае", прапушчаная коска.
Адзін з удзельнікаў цырымоніі Уладзімір Раманоўскі паабяцаў, што заўтра ж усе памылкі будуць выпраўленыя.
Фота — svaboda.org
