У лідскім судзе апраўдалі журналіста "Белсату"
Суд скончыўся ўвечары 22 жніўня.
Нагадаем, Сяргея Карпенку затрымалі падчас маўклівай акцыі 22 чэрвеня. Суд не знайшоў у ягоных дзеяннях правапарушэнняў.
Карпенка адзначае, што міліцыянты склалі на яго два пратаколы — аб дробным хуліганстве і аб непадпарадкаванні. Аднак, перадае Радыё "Свабода", яму ўдалося знайсці відэа свайго затрымання: на яго адразу начапілі кайданкі, хоць ён не аказваў ніякага супраціву. Як мяркуе журналіст, гэта паўплывала на рашэнне суда.
