У Лівіі судзяць беларусаў, затрыманых за падтрымку Кадафі?
Прэс-сакратар МЗС Андрэй Савіных кажа, што "не можа ні пацвердзіць, ні абвергнуць" гэтую інфармацыю.
Новыя ўлады Лівіі выставілі абвінавачванні групе грамадзян з краін былога СССР у дапамозе рэжыму Муамара Кадафі. Як паведамляе "Газета.Ru", абвінавачванні выстаўленыя грамадзянам Беларусі, Расіі ды Украіны.
Усіх іх затрымалі ў жніўні 2011 года ў Трыпалі. У чацвер толькі МЗС Украіны афіцыйна заявіў пра пачатак суда над сваімі грамадзянамі ў Лівіі. Беларускі і расійскі МЗС не каментуюць сітуацыю.
Фота — obozrevatel.com
