У лівійскага амбасадара спыталіся пра палонных беларусаў
Начальнік упраўлення Афрыкі і Блізкага Усходу МЗС Ігар Ляшчэня 27 лістапада сустрэўся з новым часовы павераным у справах Лівіі ў Беларусі Абубакерам Атавілем.
Сярод іншага абмяркоўваліся і пытанні, звязаныя з палоненымі ў Лівіі чатырма беларускімі грамадзянамі, інфармуе БелаПАН. Да чаго дамовіліся дыпламаты, аднак, не паведамляецца.
Нагадаем, 4 чэрвеня 2012 года суд Лівіі прысудзіў грамадзян Беларусі да дзесяці гадоў турмы. Іх звінавацілі ў дапамозе рэжыму Кадафі. Афіцыйны Мінск заявіў, што абвінавачванне не адпавядае рэчаіснасці: беларусы нібыта прыехалі ў Лівію па кантракце для працы на грамадзянскіх аб'ектах. Нашыя суайчыннікі былі затрыманыя з групай грамадзян Украіны і Расіі.
Фота — REUTERS
