У Лядовым палацы ў Баранавічах шукалі выбуховае прыстасаванне
У фае палаца знайшлі падазроны прадмет. З будынка эвакуявалі каля 250 школьнікаў.
Як піша "Intex-press", падазроны пакет 20 чэрвеня знайшла ахова Лядовага палаца на першым паверсе комплексу. Пасля гэтага супрацоўнікі паведамілі пра знаходку міліцыянтам і выратавальнікам.
Падчас праверкі ні сабака, ні металашукальнік выбухоўкі ўсярэдзіне не выявілі. У пакеце была пластыкавая бутэлька з рассыпістым змесцівам цёмнага колеру. Знаходку перадалі на вывучэнне экспертам.
Фота — Intex-press
