У Магілёве праходзіць выстава котак
Міжнародны каціны саміт сабраў не меней за 110 жывёл з Беларусі, Расіі ды Ўкраіны.
Мэта выставы — адабраць гэтак званы племянны матэрыял, паведаміла БелаПАН намесніца старшыні магілёўскага клуба “Фелісія” Вольга Федзіна. Эксперты павінны выявіць найлепшых жывёл у прадстаўленых пародах, афарбоўках і групах. Коткам, які адпавядаюць пэўным высокім стандартам, прысудзяць тыя ці іншыя тытулы.
Таксама ў межах выставы запланаваныя розныя шоу з удзелам котак і конкурс кацянятаў. Арганізатары адзначаюць, што такія выставы праходзяць у Магілёве штогод у ліпені. А да крызісу ўдавалася зладзіць па дзве выставы на год.
