У Магілёве загарэўся лядовы палац (фота)
На шчасце, падчас пажару ніхто не пацярпеў.
Узгаранне адбылося зранку ў нядзелю ў распранальні хакейнай каманды “Магілёў”.
Пажар быў выяўлены дзякуючы пажарнай сігналізацыі. Агонь паспеў пашкодзіць чатыры стэлажы са спартовай формай і ўнутраную адзелку распранальні, паведамляе сайт mycity.by.
Папярэдняя праверка выявіла, што на момант узгарання ў распранальні працавала цеплавая пушка для абагрэву адзення. Ці стала яна прычынай пажару, вырашаць эксперты.
Фота: mycity.by
