У Магілёве разганяюць платную аўтастаянку
Усім аўтаўладальнікам прыгразілі ўжыць аўтаэвакуатар ДАІ, калі яны не вызваляць тэрыторыю добраахвотна да 28 лютага.
Каб адстаяць права паркаваць свае машыны ў звыклым месцы людзі напісалі калектыўны зварот у гарвыканкам.
Грамадскі актывіст Аляксей Паўлоўскі кажа, што канфліктная сітуацыя ўзнікла пасля таго, як аб’ядналіся два прадпрыемствы. Завод “Тэхнапрыбор” увайшоў у склад завода “Ольса”, і яго кіраўніцтва вырашыла зрабіць з агульнай стаянкі — стаянку для рабочых завода.
Жыхары абураныя, бо цяпер увесь прыватны аўтаранспарт будзе размяшчацца ў дварах, якія і так перагружаны. Стаянка разлічана на 95 машына-месцаў.
Фота — timeszp.com
