У маскоўскім рэстаране адбыўся выбух і пажар
Прынамсі два работнікі загінулі, каля 30 чалавек пацярпелі і былі адвезеныя ў шпіталі.
Расійскія СМІ паведамляюць, што выбух адбыўся ў італьянскім Il Pittore на паўднёвым захадзе Масквы. На пачатак пажару ў рэстаране знаходзіліся каля 50 чалавек, якіх эвакуявалі.
Ад агню пачалі ўзрывацца газавыя балоны, якіх усярэдзіне будынку было даволі шмат. Максімальныя разбурэнні адбыліся ў кухні. У будынку цалкам выбітыя ўсе шыбы, частковая разбураныя сцены.
Асноўнай версіяй трагедыі з'яўляецца выбух побытавага газу.
Фота: lenta.ru, kp.ru
