У Мінску раздаюць беспрытульных жывёл
1 кастрычніка такую акцыю на галоўнай алеі сталічнага парку Чалюскінцаў ладзіць грамадскае аб'яднанне абароны жывёл “Эгіда”.
Жадаючыя займець гадаванца змогуць абраць яго прыкладна з 60 дарослых сабак і 40 катоў. Усе яны прышчэпленыя і стэрылізаваныя, маюць пашпарты, паведамляе БелаПАН. Будучыя гаспадары таксама павінны прынесці з сабой пашпарт, ашыйнік і павадок для сабакі або пераноску для ката. Пры жаданні яны змогуць атрымаць бясплатную кансультацыю ветэрынара.
