У Мінску руйнуюць былую турму на Кальварыйскай (фота)
Раней тут была калонія №1, а цяпер паўстане жылы мікрараён.
Гэтая турма трымала ў сваіх сценах вядомых беларускіх вязняў, адзначае Радыё Свабода. У розныя гады тут адбывалі пакаранні былы генеральны дырэктар МТЗ Міхаіл Лявонаў, былы маладафронтавец Аляксей Шыдлоўскі, дэпутаты Вярхоўнага савету 13-га склікання Уладзімер Кудзінаў і Андрэй Клімаў.
Калонія паўстала пры канцы 1950-х гадоў. А яшчэ раней там былі баракі, звязаныя з сістэмай ГУЛАГу.
