У Мінску шукаюць альфонса, які абрабаваў бізнэс-ледзі
24-гадовы раней неаднаразова судзімы мінчанін падазраецца ў здзяйсненні крадзяжу ў асабліва буйным памеры ў сваёй блізкай знаёмай.
Малады чалавек пазнаёміўся з 30-гадовай жанчынай у кастрычніку мінулага года. Бізнес-ледзі падарыла свайму каханку новую “Аўдзі А6”, аплаціла паездку на адпачынак у Турцыю, перасяліла да сябе ў кватэру, давала грошы на кішэнныя выдаткі.
Аднак малады чалавек вырашыў завесці новы раман з яшчэ адной паспяховай бізнэс-ледзі. Для гэтага спатрэбілася шмат сродкаў, і таму хлопец інсцэніраваў абрабаванне кватэры і выкраў у сужыцелькі 48 мільёнаў рублёў. Калі ж стала вядома, што нападу бандытаў на кватэру не было, малады чалавек збег, паведамляе сайт ГУУС Мінгарвыканкаму.
