У Мінску затрымалі шведскіх журналістаў
Гэта адбылося падчас таго, як яны бралі інтэрв'ю ў маладафронтаўца Рамана Пратасевіча.
Пра затрыманне Еўрарадыё паведаміла маладафронтаўка Наста Палажанка:
Палажанка: "Вядома тое, што яго запрасілі на інтэрв'ю шведскія журналісты. І падчас інтэрв'ю яны ўсе былі затрыманыя і дастаўленыя ў Маскоўскі РУУС. Пакуль падрабязнасцяў няма, бо яны не могуць размаўляць".
Як паведамляе прэс-служба "Маладога фронту", у Маскоўскі РУУС трапілі журналісты тэлеканала SVT Свэн Бергман, Олаф Крістоферсан, Ізабэль Сомерфэльд, а таксама журналіст з Мінску Уладзімір Чудзянцоў.
